Londër, 17 maj - Njëri prej futbollistëve më të njohur dhe më të dashur për sportdashësit në mbarë botën, David Beckham, po largohet nga futbolli, në moshën 38-vjeçare.

Pasi luajti në 6 sezone me skuadrën amerikane “Galaxy” të Los Anxhelosit, ish-kapiteni i skuadrës së Anglisë, këtë sezon luajti me skuadrën franceze Paris Saint-Germain, ku ai fitoi titullin kampion në një vend të katërt.

Bekham po ashtu ka fituar kampionate kur ishte me skuadrën e tij të viteteve të djalërisë, Manchester United, me “Real Madridin” e Spanjës dhe me “Galaxyn” e Los Anxhelsit me të cilën ai fitoi dy tituj kampion. Mesfushori Backham mban rekordin si lojtari anglez që ka luajtur në më tepër ndeshje ndërkombëtare, gjithsej 115.

Ai e filloi karrierën si sportist profesionist kur ishte vetëm 14 vjeç, me skuadrën “Manchester United” dhe luajti për herë të parë me skuadrën kombëtare në vitin 1996, kur ishte 21 vjeç.