Manchester, 26 nëntor - Ylli i Real Madridit, Cristiano Ronaldo përkrah ish skuadrën e tij Manchester United të fitojë titullin në Premierligë këtë stinor.

 Manchester City triumfoi në edicionin e kaluar por Ronaldo, i cili kaloi gjashtë vite në Old Trafford gjatë të cilave rrëmbeu tre tituj të kampionit, beson se Djajtë e Kuq do ta rikthejnë kurorën.

 “Është liga më garuese në botë, madje para Spanjës. Atje janë shumë futbollistë të shkëlqyeshëm dhe loja zhvillohet me intensitet. I përcjelli çdo javë nga shtëpia. Mendoj se United do të triumfojë këtë vit për ta rikthyer titullin në Old Trafford”, deklaroi Ronaldo për Sunday Mail.