Madrid, 6 korrik - Real Madrid ka zyrtarizuar transferimin e Fabio Coentrao nga klubi i Lisbonës, Benfica, me një kontratë gjashtë vjeçare, ku shuma e këtij transferimi ishte 30 milionë euro.

Ekipi nga Spanja zyrtarizoi marrëveshjen e transferimit, menjëherë pasi Benfica lëshoi një deklarataë, ku tregoi mbi shitjen e Coentraos.

“Real Madrid C.F. dhe SL Benfica kanë arritur një marrëveshje për transferimin e lojtarit Portugez, Fabio Coentrao tek klubi Spanjoll për gjashtë sezonet e ardhshme”, thuhet në website zyrtar të Real Madrid.

Coentrao u shit tek Real Madrid sipas klauzolës së tij, që përmbante 30 milionë euro.