Barcelonë, 13 korrik - Që Lionel Messi është futbollisti më i mirë i momentit në planet e tregon qartë edhe çmimi i radhës që i është dhënë fenomenit argjentinas.

Cilësitë e tij gjeniale kanë bërë që edhe për një vit tjetër \"Pleshti\" të lerë pas emra si Cristiano Ronaldo apo Novak Djokoviç.

Televizioni prestigjoz amerikan ESPN i dha argjentinasit të Barcelonës çmimin \"ESPY Awards\" me arsyetimin: \"Atleti më i mirë ndërkombëtar i vitit 2012. Aftësia, shpejtësia, agjiliteti dhe aftësia e tij të bëjë çudira me topin\".

Edhe pse nuk ishte pjesë e kampionatit Europian Euro 2012, edhe pse prej javësh nuk e shohim në fushën e blertë, sërish Lionel Messi është më i miri edhe kur nuk luan.