Manchester, 20 mars - Gjashtë muaj pasi ishte fshirë “nga lista” e Manchester Cityt, trajneri Roberto Mancini pritet ta inkuadrojë sulmuesin argjentinas Carlos Tevez kundër Chelseat për ta mbajtur hapin për titullin e kampionit në Premier League.
 
Tevez ka një muaj që po stërvitet te City dhe tashme të dyja palët kanë lënë anash zënkën që e patën pas duelit me Bayern Muenchenin në Ligën e Kampionëve në muajin shtator të vitit të shkuar.

City e ka humbur kryesimin në Premier League pas pesë muajve dhe aktualisht ka katër pikë më pak se Manchester Unitedi.

Skuadra e Mancinit të mërkurën do të përballet me Chelsean që nuk di për humbje prej largimit të trajnerit portugez Andre Villas-Boas.