Manchester, 30 prill - Sipas "Goal.com", Manchester City është gati të hidhet në sulm për talentin e Borussia Dortmund dhe kombëtares gjermane, Marco Reus.

Siç bënë të ditur portali më i madh sportiv në Europë, skuadra e Roberto Mancinit po përgatit ofertën prej 38 milionë eurosh, ku sulmuesi do të përfitojë 60 mijë sterlina në javë.

Ofertën zyrtare "Citizens" pritet t’ia paraqesë në 10 ditët e ardhshme.

Talenti 23-vjeçar është kthyer në një objektiv kryesor dhe për disa klube të tjera si rivalë e Manchster United.

Ish kampionët e Anglisë dëshirojnë blerjen e një lojtari cilësor gjatë kësaj merkatoje dhe përveç Reus synojnë dhe Edinson Cavanin e Napolit.