Londër, 7 tetor - Roberto Di Matteo ka konfirmuar se Chelsea do të marrë masa disiplinore ndaj Ashley Cole për mospërmbajtjet ndaj Federetaës angleze të Futbollit gjatë të premtes.

Mbrojtësi 31-vjeçar reagoi me zemërim ndaj raportit të FA që e quajti John Terryn gënjeshtar pas dëshmive të tij në rastin e akuzave ndaj tij për racizëm.

“Hahahahahaa, punë e paqme FA. Kam gënjyer, apo jo. Një grusht me p***”, kishte shkruar Cole në Twitterin e tij, para se më vonë ta fshijë komentin.

“Ne kemi një polici të mediave sociale dhe do të ketë veprime disiplinore kundër AShley Cole për postimin e tij të djeshëm. Nuk jam kundër mediave sociale.

“Është një botë në të cilën ne jetojmë. Kur ajo përdoret në mënyrë të arsyeshme nuk është problem”, ka thënë Di Matteo pas fitores 4-1 ndaj Norwich.