Londër, 1  qershor - Trajneri i ardhshëm i Chelseat, Jose Mourinho, e dëshiron në skuadër sulmuesin e Napolit, Edinson Cavani.

Gazzetta dello Sport raporton se strategu portugez krahas parave do t’ia ofrojë klubit italian edhe Fernando Torresin si pjesë e marrëveshjes për transferimin e uruguaianit.

Klauzola e prishjes së kontratës së Cavanit është 60 milionë euro, ndërsa një ofertë të ngjashme me Blutë planifikon të bëjë edhe Manchester City.

City është i gatshëm të ofrojë Edin Dzekon plus para për ta marrë 26-vjeçarin në Etihad Stadium.

Megjithatë, shanset më të mira i ka Chelsea, kur dihet se trajneri i ri i Napolit, Rafael Benitez. pëlqen ta ketë Torresin në skuadër.