Londër, 24 gusht - Chelsea ka kompletuar nënshkrimin me mbrojtësin e djathtë të Marseille, Cesar Azpilicuyeta, për një shumë që raportohet të jetë 7 milionë paund për të çuar në 70 milionë harxhimet e kësaj vere.

“Transferimi i Cesar Azpilicueta te Chelsea është zyrtar. Mbrojtësi spanjoll ka nënshkruar me kampionët e Evropës të vitit 2012”, thuhet në deklaratën e Marseille.

Mbrojtësi, i cili mbush 23 vjeç të martën, është nënshkrimi i katërt për Blutë këtë sezon, dhe u bashkohet përforcimeve tjera si Eden Hazard, Oscar dhe Marko Marin në Stamford Bridge.Treshja e deritashme i ka kushtuar Chelseat 64 milionë paund, me mesfushorin belg Hazard që ka kushtuar sa gjysma e kësaj shume.

Me 7 milionët e Azpilicueta, shuma e harxhuar nga Blutë deri tani shkon në 71 milionë paund, ndërsa pritet të shtohet edhe më shumë me klubin londinez që është afër të kompletojë edhe nënshkrimin me sulmuesin e Wigan Athletic, Victor Moses.