Londër, 28 shkurt - Nëse nuk arrin dot tek Pep Guardiola gjithsesi mund të kërkosh të marrësh atë që trajneri katalanas do të zëvendësojë.

Sipas burimeve që vijnë nga Anglia, drejtuesit e Chelsea po mundohen të bindin Jupp Heiynckes, trajnerin aktual të Bayern Munich të mos tërhiqet në fund të sezonit por të ulet në stolin e Bluve të Londrës në vëndin e Rafa Benitez që në fund të këtij sezoni nuk do të rikonfirmohet.

Abramovich ka mbetur i impresionuar nga loja dhe vazhdimësia e shprehur nga bavarezët në dy vitet e fundit dhe dëshiron ti ofrojë Heynckes mundësinë për të vazhduar karrierën si trajner në një klub prestigjoz.

Heynckes ka mbetur disi i shtangur nga lajmërimi që në muajin janar i arritjes së Guardilës në fund të sezonit ndaj edhe mund të bindet nga kjo ofertë.

Por për shërbimet e trajnerit 67-vjecar gjerman është e interesuar edhe skuadra tjetër e Bundesligës Shalke 04.

Aktualisht Bayern i Heynckes kryeson klasifikimin në kampionatin gjerman me 60 pikë në 23 ndeshje e ndjekur nga Borussia Dortmund me 17 pikë më pak por është edhe shumë pranë kualifikimit për në cerekfinalet e Champions League pasi fitoi 3 me 1 në Emirate Stadium ndaj Arsenalit dhe takimin e dytë do ta zhvillojë në Allianz Arena.