Londër, 2 shkurt - Klubi Londinez, Chelsea do të tentojë të blejë mbrojtësin e Real Madridit, Pepe në fund të sezonit.

Kontrata e portugezit me Realin përfundon në vitin 2012 dhe ai nuk nxiton të rinovojë atë.

AS raporton se Blutë nga Londra janë duke e përcjellur situatën e 27 vjeçarit, dhe ata do të testojnë Real Madridin duke i bërë atyre një ofertë për portugezin.

Chelsea dje në minutat e fundit të këtij afati kalimtar dimëror ka siguruar shërbimet e mbrojtësit të Benficas, David Luiz për një shumë prej 25 milion euro, ndërsa tani ata do të tentojnë që të sigurojnë edhe shërbimet e Pepes, por vetëm në fund të sezonit.