Londër, 30 dhjetor - Alexandre Pato e ka bërë të qartë se dëshiron të rikthehet në Brazil, por nga Anglia ka klube që mund të tentojnë të bindin sulmuesin e Milanit që të ndryshojë mendje.

Braziliani në fakt është shumë pranë transferimit dhe destinacioni më i mundshëm është Corinthians.

\"TalkSport\" shkruan se Chelsea dhe Liverpool kanë shfaqur interes për Paton dhe janë të gatshëm të ndërhyjnë në negociata për të siguruar kartonin e tij me vlerë rreth 15 milionë euro.

Sulmuesi 23-vjeçar i ka idetë të qarta për të ardhmen, kërkon të luajë në Brazil dhe të jetë pjesë e kombëtares për Kupën e Botës 2014.