Londër, 8 nëntor - Chelsea i është bashkuar Liverpoolit në kërkim të sulmuesit të Barcelonës, David Villa.

Mediat spanjolle raportojnë se Villa nuk është i rehatshëm në Nou Camp pasi vazhdimisht është nën hijen e bashkëlojtarit të tij, Lionel Messi.

Liverpooli ka bërë një interesim te Barcelona javën e kaluar duke pyetur për situatën e Villa, ndërsa Cadena Ser tani shkruan se edhe Chelsea po ashtu ka shprehur interesim në spanjollin.

Villa është i pakënaqur që detyrohet të luajë në krah për t`i lejuar Messit më shumë hapësirë në qendër dhe tani është duke menduar opsionet.