Napoli, 9 qershor - Napoli merr një superofertë nga Reali i Madridit për të lenë të lirë bomberin uruguaian, Edinson Cavani.

Pasi refuzoi 50 milionë Euro nga Chelsea, në adresë të presidentit De Laurentiis troket Florentino Perez me të njëjtën shumë, por shton në paketën e ofertës sulmuesin Goanzalo Higuain dhe të ardhurat e një ndeshjeje miqësore mes dy klubeve.

Një propozim që mund të rezultojë joshës për kreun e klubit italian, i cili do të siguronte edhe shërbimet e sulmuesit të shumëkërkuar në merkato për të zëvendësuar “Matadorin”.

Në këtë aspekt, Higuain është një lojtar me parametra të lartë që do t’i shërbente shumë Napolit të Rafael Benitez.