Torino, 9 tetor - Edinson Cavanin është sulmuesi ideal në mendjen e Giuseppe Marottas dhe i gjithë tifozëve të Juventus.

Uruguajani është një ndër sulmuesit më të mirë për momentin dhe kjo të bën të ëndërrosh me të vërtetë.

Siç shkruan \"TuttoSport\", gazetë shumë pranë klubit bardhezi, ky operacion është një ndër më të kushtueshmit, por mbi të gjithga duhet bindur presidenti i Napolit, Aurelio De Laurentiis, të cilin mund ta bindë vetëm një çmenduri.

Edinson Cavani ka një kontratë 5-vjeçare me Napolin dhe përfiton 5 milionë euro në sezon dhe një klauzolë prej 65 milionë eurosh. Pra në total paketa Cavani kushton 120 milionë euro.

Aktualisht, vetëm 3 klube kanë mundësitë financiare për të bërë diçka të tillë por Juventus vazhdon të ëndërrojë.