Napoli, 24 mars - Pas ndeshjes eleminatore kundër Paraguaj sulmuesi i Uruguaj dhe Napolit Edinson Cavani ka folur edhe për të ardhmen e tij.

Siç raporton \"El Observador\", bomberi napolitan ka lënë gjithçka hapur përsa i përket largimit nga Axurrët.

\"Futbolli është një biznes. Në Napoli ndjehem mirë, kam dashurinë e njerëzve, por në futboll nuk dihet kurrë se ku do të shkosh. Shumë gjëra varen edhe nga vendimet e presidentëve\", ka thënë Cavani për gazetarët.

Më pas \"El Matador\" ka komentuar edhe fjalët e Diego Armando Maradonës, që gjatë vizitës së fundit në Napoli u shpreh se do të dëshironte të luante përkrah Cavanit.

\"Ishte një ndere të dëgjoje një futbollist historik në botë e veçanërisht në Napoli të ketë thënë këtë për mua. Të gjithë e dimë se çfarë sinjifikon ai për futbollin dhe sigurisht që edhe mua do të më pëlqente të luaja me të\", përfundon Edinson Cavani.