Londër, 8 prill - Tabloidi britanik Daily Mail raporton se Arsenali planifikon që në verën që vjen ta angazhojë portierin e Real Madridit, Iker Casillas.

Njëri nga portierët më të mirë në botë po përjeton njërin nga sezonet e tij më të këqija në Santiago Bernabeu, për shkak të raporteve jo aq të mira me trajnerin Jose Mourinho.

31-vjeçari pati disa mosmarrëveshje me strategun portugez para se të lëndohej, ndërkohë që pas lëndimit Mourinho deklaroi se edhe kur të rikuperohet ai do të mbetet portieri i dytë i Los Blancos.

Prandaj, Daily Mail si element kyç për kalimin e Casillas në Emirates e konsideron qëndrimin e 50-vjeçarit në postin e trajnerit të Mbretërve.