Torino, 29 gusht - Gianluigi Buffon do të mbetet përgjithmonë në Juventus ka njoftuar menaxheri i tij Silvano Martina. Portieri i Juventusit në muajt e kaluar kërkohej nga United, Manchester City, Chelsea dhe Roma.

\"Buffon do të jetë i lidhur përgjithmonë me Juventusin. Nëse do të dëshironte largimin, atëherë do të ishte larguar deri më tani\".

\"Me kalimin e viteve ai ka marr shumë oferta por tifozët e Juventusit ishin gjithmonë përkrah tij\", tha Martina për Radiosportiva. Buffon ka kontratë me Juventusin deri në qershor 2013.