Torino, 26 nëntor - Portieri i Juventusit, Gigi Buffon e konsideron plotësisht të merituar humbjen ndaj Milanit në javën e 14 të Seria A.

Kuqezinjtë arritën të fitonin me rezultatin minimal 1-0 falë golit të shënuar nga Robinho nga pika e bardhë e 11 metërshit edhe pse gardiani bardhezi pohon se nuk ishte penallti.

“Për mendimin tim nuk ishte penallti por gjëra të tilla ndodhin në futboll. Ne kishim kohë që të përmbysnim rezultatin por nuk e bëmë një gjë të tillë.”

Humbja e Juventusit dje në “San Siro” ishte e para për ekipin e Antonio Contes, pas 18 muajsh kur Parma fitoi po 1-0 më 15 Maj të vitit 2011, transmeton Supersport.

“Kanë ndodhur shumë gjëra gjatë një viti e gjysëm. Nëse do të kishim një justifikim për këtë humbje atëherë do e thonim por fakti qëndron se nuk kemi dhe se kësaj rradhe e meritonim humbjen. Të qenit autokritik është mënyra më e mirë për të edukuar njerëzit. Tashmë duhet vetëm të analizojmë se çfarë shkoi keq.”

Juventusit qëndron në krye të Seria A me 32 pikë kurse Milani është ngjitur në vendin e 8 me 18 pikë të grumbulluara.