Johanesburg, 13 korrik - Diego Forlan është shpallur lojtari më i mirë i Botërorit Afrika e Jugut 2010. Sulmuesi i Uruguajit ka marrë shumicen e votave të gazetarëve të akredituar në kompeticionin me të rëndesishëm të futbollit, duke fituar “Topin e Artë” të kësaj Kupe Bote.

Forlan ka mundur rivalitentin e fantazistit hollandez, Wesley Sneijder dhe atë të sulmuesit spanjoll David Villa.

Trofeu për golashenuesin me të mirë të Botërorit ka shkuar për gjermanin Thomas Mueller, i cili shenjoi 5 gola gjatë ndeshjeve të Botërorit, po aq sa Villa, Sneijder dhe Forlan, por sipas rregullores së FIFA-s, nëse disa futbolliste kanë të njejten sasi golash, merr cmimin ai që ka dhënë me shumë asiste. Tre për gjermanin, ndërsa rivalet e tij kanë regjistruar vetëm nga një asist në ketë turne.

Tomas Muller ka marrë edhe trofeun si lojtari më i mirë i ri në Afrika e Jugut 2010.

Ndërkohë, kampionia e re e Botës Spanja, ka marrë dy cmime të tjera. Përfaqesueses iberike të drejtuar nga Visente del Boske ka fituar trofeun për “Fair Play”, cmim ky qe jepet nga grupi studimor i federates nderkombetare te futbollit mes skuadrave qe kane luajtur te pakten kater skuadra, ku lojtaret e saj kane patur sjelljen me te mirë brenda dhe jashtë fushes.

Në fund kapiteni i “Furive të kuqe”, Iker Casillas është cilësuar si portieri me i mire i Botërorit, duke marre cmimin që mban emrin e legjendes së portes, rusit Lev Yashin.