12 Janar 2025

Bojan Krkiç huazohet tek Ajaksi

Amsterdam, 6 korrik - Pas dy sezonesh i huazuar tek Roma dhe Milani, Bojan Krkiç nuk do të ketë vend as në këtë sezon në radhët e Barcelonës.

Sipas “El Mundo Deportivo”, klubi spanjoll, pasi nuk ka arritur të gjejë blerës potencialë për 22-vjeçarin, të paktën do të heqë prej tij barrën e rrogës, duke e huazuar edhe për një sezon të tretë radhazi.

Megjithatë, këtë herë nuk do të përsëritet një përvojë italiane për Bojan, futbollistin e kombëtares spanjolle, që do të zhvendoset në Holandë, për të luajtur në radhët e Ajaksit të Amsterdamit.

Vetë futbollsti duket se e mirëpret transferimin në Holandë, ndërsa një nga drejtuesit e gjigantëve të Amsterdamit gjithashtu u shpreh entuziast për mundësinë e realizimit të këtij transferimi, një huazim me opsion blerje.

”Bojan është një futbollist i mirë, i atij niveli që ne jemi duke e kërkuar. Bën një punë efikase, di të shënojë dhe të japë asist, ndaj duket një mundësi interesante”, deklaroi ai.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)