Torino, 14 gusht - Sulmuesi Richmond Boakye i është bashkuar skuadrës së Juventusit për edicionin 2013-14, njoftojnë mediumet italiane të martën.

Boakye 20-vjeçar, edicionin e shkuar luajti i huazuar te skuadra e Sassuolos në Serie B.

Ai shënoi 11 gola në 32 ndeshje dhe llogaritet si një talent i vërtetë i futbollit.

\"Trajneri Antonio Conte ka vendosur që ta sjellë Boakyen. Ai e sheh si përforcim të mirë në repartin e sulmit dhe ka refuzuar ta huazojë diku tjetër. Conte pret shumë nga Boakye\", ka thënë drejtori i përgjithshëm i Juves, Beppe Marotta.

Juve deri më tani ka transferuar Carlos Tevezin e Fernando Llorenten.