Milano, 14 prill - Mediat italiane raportojnë se mesfushori shqiptaro-zvicertan i Napolit, Blerim Xhemaili mund të shkëmbehet me mesfushorin e Milan, Antonio Nocerinon gjatë merkatos së verës.

Nocerino ka përfunduar në bankinë tek ekipi i Massimiliano Allegrit dhe është në kërkim të një ekipi ku mund të luajë vazhdimisht, për të mos e humbur Botërorin 2014. E kjo në \"San Siro\" duket e pamundur të ndodh.

Xhemaili po kalon momente magjike me Napolin, edhe pse pjesën më të madhe të sezonit e ka kaluar në stol.

Ish futbollisti i Parmës dhe Torinos ka shënuar katër gola në dy ndeshjet e fundit dhe Milani nuk dëshiron ti shpëtojë ky shans.

Nga lojtarët shqiptarë që luajnë në Serinë A, Behrami dhe Cana janë më të spikaturit, por kohët e fundit s’ka mbetur pas dhe Xhemaili e Migjen Basha.