Manchester, 26 prill - Dy bileta për ndeshjen e të hënës së ardhshme mes Manchester Cityt dhe Manchester Unitedit janë duke u shitur për 2612 funte (3190 euro) në webfaqen “livefootballtickets.com” - që i bie 26 herë më shtrenjtë se që është blerë.

Tifozët duan që policia dhe klubet të ndalin shitjet e biletave në treg të zi për ndeshjen vendimtare për titull të Anglisë që zhvillohet në stadiumin “Etihad” të Cityt.

Por aq e madhe është kërkesa për këtë ndeshje, sa që pritet të përfitohen shuma të mëdha nga kjo sfidë.

City mund të tejkalojë Manchester Unitedit dhe të ngjitet në krye të Premier Leagues në rast se triumfon të hënën.