Londër, 10 tetor - Dennis Bergkamp dëshiron që një ditë të kthehet te Arsenali, por kësaj rradhe si trajner i klubit.

”Ndjenjat që Johan Cruyff i kishte për Barcelonën, unë ato i kam për Arsenalin”, tha Bergkamp.

”Kam kaluar për mrekulli dhe gjithmonë kam qenë i lumtur. Kurrë nuk kam pasur momente të këqija në Arsenal dhe synoj rikthimin tim në një pjesë të karrierës”, tha legjenda e “Gunners”.

Kujtojmë se ish-reprezentuesi holandez kaloi plotë 11 vjet tek ekipi londinez i Arsenalit, ku me këtë klub fitoi tre tituj të kampionit në Premier Leaguen angleze, katër FA Cup, po aq edhe FA Community Shield.