Paris, 4 nëntor - Sulmuesi i Realit të Madridit, Karim Benzema, është arrestuar nga policia franceze pas akuzave për shantazh ndaj mesfushorit të Lionit, Matje Valbuena.

Mësohet se 27-vjeçari fillimisht u paraqit në një zyrë policie, para se të arrestohej lidhur me çështjen e hapur nga gjykata e Versajës më 31 korrik.

Futbollisti akuzohet se ka kërcënuar Valbuenën me publikimin e një videoje seksi ku shfaqej ky i fundit.

Pjesë e hetimit u bë edhe ish-sulmuesi i Liverpulit, Xhibril Sise, i cili u mor në pyetje e më pas u lirua në tetor.