Paris, 3 maj - Paris Saint Germain duket se e ka gjetur trajnerin e ri që do ta emërojë gjatë verës. Carlo Ancelotti pritet të transferohet në Madrid, ndërsa Jose Mourinho në Londër.

Kështu, trajneri i përkohshëm i Chelsea, Rafa Benitez thuhet se mund ta marrë në dorë gjigantin parisien.

Sipas medieve angleze, trajneri spanjoll është në listën e PSG-së, edhe pse menaxheri i Benitezit e ka përgënjeshtruar një mundësi të tillë.

Ndër të pëlqyerit e sheikëve të PSG-së është edhe trajneri aktual i Arsenalit, Arsene Wenger.

PSG është shumë afër titullit kampion i Francës, ndërsa është eliminuar nga Liga e Kampionëve dhe Kupa e Francës.