Napoli, 24 maj - Trajneri spanjoll i futbollit, Rafael Benitez, i cili para disa ditëve fitoi Ligën e Evropës me Chelean, do të bëhet trajner i ri i Napolit, shkruan “La Gazzetta dello Sport”.

Thuhet se ai me skuadrën napolitane, ku luajnë edhe Behrami e Xhemajli, do të nënshkruajë kontratë dyvjeçare, kurse rroga e tij vjetore do të jetë 3.5 milionë euro.

Benitezi në muajin nëntor të vitit të kaluar mori drejtimin e Chelseat nga Roberto Di Matteo, kurse nga fundi i muaji shkurt të këtij viti njoftoi se do të ndërpresë bashkëpunimin me Chelsean.

Benitez ka punuar në Itali si trajner i Interit në vitin 2010, kur pati zëvendësuar Jose Mourinhon, i cili atëherë pati shkuar në Madrid.