Milano, 19 dhjetor - Në prag të finales së Botërorit të Klubeve, ku Interi do të luajë me Mazemben, trajneri Rafa Benitez ka vlerësuar kundërshtarët.

Ai deklaroi: “Ata kanë një skuadër mjaft të fortë fizikisht dhe me elementë cilësorë”.

Benitez kërkon ta mbyllë vitin 2010 me fitore dhe me trofeun e dytë pas Superkupës së Italisë.

Më tej, drejtuesi i stolit zikaltër tha: “Duhet të jemi maksimalisht të përqendruar. Kjo është një sfidë e rëndësishme, historike për Interin dhe për futbollin në përgjithësi”.

Tekniku ka shprehur edhe keqardhje për mungesën e Uesli Shnajder në finale.