Londër, 3 janar - Tottenhami do ta bëjë David Beckhamin lojtarin më të paguar në radhët e tij gjatë shfrytëzimit tremujor të shërbimeve të tij nga LA Galaxy.

Beckham për tre muaj do të fitojë 1.5 milionë sterlina, përkatësisht 120 mijë sterlina në javë, që është kontrata më e mirë nga të gjithë futbollistët që gjenden në White Hart Lane, shkruajnë mediat angleze.

Por, njeriu i parë i Tottenhamit, Daniel Levy, konsideron se Beckhami do t`i kushtojë klubit vetëm gjysmë milion sterlina, pasi pjesa tjetër prej një milion sterlina do të sigurohet nga shitja e fanellave të lojtarit dhe aktiviteteve të tjera të marketingut.