Munchen, 5 qershor - Bayern Munchen është i interesuar për shërbimet e Luis Suarez. Skudra që këtë sezon fitoi në Bundesligë, Kupë Gjermanie dhe Champions League) është e gatshme të shkëmbejë hollandezin Arjen Robben me sulmuesin uruguajan të Liverpool, i cili u shpall golashënuesi më i mirë i Premier League-s.

Sipas \"The Sun\", Pep Guardiola nuk dëshiron të ketë në skuadër lojtarin që shënoi golin e fitores në finalen e \"Wembley\" ndaj Borussia Dortmund dhe drejtuesit bavarezë po punojnë për zëvendësimin e tij.

Por, në luftë për Luis Suarez është edhe Real Madrid. Vetë futbollisti ka shprehur dëshirën e tij për tu larguar nga Anglia pas problemeve me dënimet e gjata nga Federata Angleze e Futbollit.