Munchen , 2 nëntor - Bayern Munchen është i interesuar që në miniafatin kalimtar të janarit të transferoj futbollistin e talentuar gjerman Leon Goretzka.

17-vjeçari që luan për skuadrën e VFL Bochum është një nga futbollistët më të kërkuar në botë nga skuadrat gjigante si Barcelona, Real Madrid dhe Manchester United, por e ardhmja e tij pritet të jetë në “Alianz Arena”.

Shuma që pritet të ofrojnë rekordmenet gjerman për Leon Goretzka nuk është bërë e ditur, por besohet se kartoni i tij vlen rreth 10 milionë euro. Leon Goretzka është pjesë e kombëtares së Gjermanisë në U-19.