Bayern, 5 shtator - Bayern Munich po interesohet për transferimin e Fernando Llorente te Athletic Bilbao. Me ardhjen e trajnerit të ri, Marcelo Bielsa ndikimi i Llorente në ekip është në rënie, ndërsa lojtari është i shqetësuar edhe për vendin e tij në përfaqësuesen e Spanjës.

Llorente ka qenë në qendër të vëmendjes të presidentit të Real Madridit, Florentino Perez, edhe pse gjiganti madrilen nuk ka dërguar asnjë ofertë formale për spanjollin gjatë afatit kalimtar veror.

Tashti duket se edhe Bayern Munich po i kushton një vëmendje të afërt situatës së sulmuesit dhe është duke menduar të bëjë ofertë në afatin kalimtar të janarit.