Munich, 23 janar - Katalanasja \"Sport\", raporton  se Bayern Munich, i cili duke filluar nga sezoni i ardhshëm do të drejtohet nga Pep Guardiola, po përgatit një goditje të madhe në merkaton e verës dhe objektivi është reparti i sulmit.

Bëhet fjalë për sulmuesin 25-vjeçar të Liverpool, Luis Suarez, për të cilin është gati një ofertë e majme prej 40 milionë sterlinash.

Klubi bavarez është i bindur se sulmuesi uruguajan është zgjedhja e duhur për sulmin e skuadrës duke parë që sezonin e shkuar Suarez shënoi 20 në 30 ndeshje me \"The Reds\".