Londër, 9 shkurt - Shtypi anglez insiston se skuadra e ardhshme e Gareth Bale do të jetë Barcelona.

Pas zërave të kohëve të fundit për një interesim të katalanasve për mesfushorin e Tottenham, britanikja “Daily Express” hyn në detaje duke zbuluar projektin e Barcelonës për të shitur tre talentet e kanterës, Cuenca, Dos Santos dhe Tello, në mënyrë që të grumbullojë pjesën më të madhe të shumës 55 milionë Eurove që kërkon skuadra londineze për lojtarin më të mirë të saj.

Nga ana tjetër, “Mirror” shruan se transferimi do të jetë më i mundshëm nëse Tottenham nuk kualifikohet në Champions League, një kompeticion që Gareth Bale e kërkon me çdo kusht.