Barcelonë, 23 nëntor - Dueli mes Italisë dhe Barcelonës nuk ndalet vetëm në fushën e lojës. Nëse sot në mbrëmje Blaugranat do të luajnë në San Siro me Milan, në merkato kundërshtari i spanjollëve është Juventus.

Tranjeri i Barcelonës Pep Guardiola, prej kohësh interesohet për sulmuesin e ri anglez të Arsenal, Theo Walcott.

Sipas asaj që raporton \"sport.es\", 21-vjeçari i Topçinjëve ndiqet edhe nga Juventus por katalanasit duken më pranë lojtarit pasi klubi spanjoll mendohet të ofrojë plot 35 milion euro Arsenalit për talentin e saj, shifër kjo që vështirë se mund të konkurohet nga klubi bardhezi.