Barcelonë, 14 prill - Edhe pse është ende në garë për të fituar tre trofetë, sërish Barça e ka mendjen në programin e saj për sezonin e ardhshëm të merkatos.

Për të forcuar akoma më shumë organikën e ekipit, sipas të përditshmes britanike “Daily Mail”, në krye të listës së objektivëve të skuadrës janë Gareth Bale, që shihet si zëvendësuesi ideal i Abidal.

Për ta marrë nga Spurs-at duhen të paktën 36 milionë euro. Në krahun tjetër një tjetër objektiv është Robin Van Persie.

Barça ka një buxhet merkatoje prej 50 milionë eurosh, por për të sjellë në Camp si Bale ashtu dhe sulmuesin e Arsenalit duhet thënë se nevojitet të shitet ndonjë lojtar tjetër, kjo duke pasur parasysh dhe konkurrencën e Manchester City dhe Real Madrid.