Barcelonë, 2 mars - Të arrihet në objektivin Thiago Silva nuk do të jetë aspak e lehtë.

Barcelona është tepër e vetëdijshme, pasi Milani ka shprehur qartë idetë mbi lojtarin në fjalë: duhen të paktën 35-40 milionë euro për të filluar tratativat, një shifër që është shumë larg nga 25 të ofruara nga spanjollët.

E megjithatë drejtuesit e klubit të Milanit në krahun tjetër nuk kanë ndërmend të hedhin në merkato një lojtar të kalibrit të Thiago Silvës, pasi ai shihet si një ndër shtyllat kryesore të skuadrës.

Sipas të përditshmes spanjolle “Marca”, është arritur një kontakt i parë mes klubit dhe agjentit të lojtarit, por duke parë se kontrata e brazilianit skadon në 2016, atëherë mbrojtësi është i detyruar të jetë në pritje të tratativave mes dy klubeve.