Barcelonë, 21 shkurt - Skuadra kampione e Spanjës, Barcelona është e interesuar që në radhët e veta të sjell mbrojtësin e Mançester Junajtedit, Xhon O’Shea.

Gazeta katalonase “Sport”, njofton se drejtuesit e Barcelonës, planifikojnë që gjatë verës të sjellin një futbollist, i cili do të jetë si zëvendësim për brazilianin Dani Alves, në rast se braziliani lëndohet.

Përveç irlandezit O’Shea, drejtuesit e Barcelonës vëmendjen e tyre e kanë përqëndruar edhe te mbrojtësi i  Osasunas, Cesar Azpilicueta.

Ndërkohë, O’Shea vazhdon të vuajë lëndimin që pësoi në ndeshjen e Irlandës kundër Francës, ashtu që ekziston mundësia që të mos paraqitet aspak këtë sezon për “Djajtë e Kuq”.