Barcelonë, 8 maj - Skuadra e Barcelonës dëshiron ta transferojë në radhët e veta mesfushorin e Borussia Dortmundit, Ilkay Gundogan, njoftojnë mediat gjermane të martën.

Gundogan pëlqehet shumë nga trajneri i Barçës, Tito Vilanova dhe për transferimin e tij është i gatshëm t\'i paguajë Dortmundit 30 milionë euro.

 Gundogan shihet si zëvendësim adekuat për Cesc Fabregasin, i cili pritet të largohet nga \"Camp Nou\" në fund të këtij edicioni.

Gundogan ka kontratë me Dortmundin deri në vitin 2017 dhe këtë edicion ka qenë ndër lojtarët më të mirë tek ekipi gjerman.

Ai është kreatori i lojës së Dortmundit, ekip ky që do të luajë në finalen e Ligës së Kampionëve. Interesim për Gundoganin kanë treguar edhe Chelsea, Manchester City e Real Madrid.