Barcelonë, 17 korrik - Barcelona është e vendosur të bëjë një superofertë për sulmuesin brazilian Neymar, për të cilin duket se po përgatit një ofertë prej 65 milionë eurosh.

Pas disa refuzimeve të Santos, katalanasit janë të vendosur që të bëjnë të tyrin futbollistin dhe duket se do të parashtrojnë një ofertë të parezistueshme pas përfundimit të Lojrave Olimpike.

Më parë, Santos kishte bërë të ditur se nuk do të lejonte 21-vjeçarin që të transferohej përpara Botërorit të Brazilit, më vitin 2014, por një ofertë e tillë do të ishte e parefuzueshme për klubin më të suksesshëm në historinë e futbollit brazilian.

Nëse marrëveshja do të konkretizohet, Neymar do të shndërrohej në blerjen e tretë më të shtrenjtë të historisë, pas asaj të Cristiano Ronaldos (96 mln euro në 2009-n) dhe Zinedine Zidanit (72 mln euro), duke lënë pas emra të mëdhenj si Kaka, Torres apo Luis Figo