Barcelonë, 27 korrik - Mbrojtësi brazilian David Luiz është caku kryesor i Barcelonës këtë verë, pasi që Jose Mourinho duket se nuk i beson aftësive mbrojtëse të 29 vjeçarit.

Barcelona ka plot 29 milionë euro gati për të transferuar mbrojtësin e Chelseat David Luiz këtë verë, njofton Goal.com.

Barcelonas i duhet me çdo kusht një përforëcim në mbrojtje pas dështimit në transferimin e Thiago Silvas nga Paris Saint-Germain ndërsa përforëcim ideal shihet të jetë braziliani i cili nuk pëlqehet shumë nga Mourinho.

Luiz ishte standard në formacionin e Chelseat sa ishte trajner spanjolli, Rafael Benitez, megjithatë \'Speciale One\' sipas mediave angleze nuk mendon njejtë dhe mund ta largojë atë nga \'Stamford Bridge\'.