Madrid, 24 korrik - Baptista i ka dhënë fund aventurës te skuadra spanjolle Malaga.

Sulmuesi brazilian është transferuar te Cruzeiro, ka njoftuar klubi brazilian nëpërmjet faqes zyrtare të tij.

Pas dhjetë vjetësh në futbollin europian Julio Baptista, rikthehet në Brazili, aty ku edhe ka filluar karrierën.

Gjatë aventurës në Europë, ish sulmuesi i përfaqësueses së Brazilit ka  mbajtur fanellën e Sevilla, Real Madrid, Arsenal dhe Romës.