Manchester, 26 janar - Menaxheri i Manchester Cityt, Roberto Mancini ka mohuar spekulimet rreth transferimit të sulmuesit Mario Balotelli në Milan.

Në javët e fundit kanë qarkulluar njoftime se reprezentuesi italian mund t’i bashkohet Rossonerëve gjatë këtij afati kalimtar të janarit.

Por, Mancini ka insistuar se Balotelli do të qëndrojë te kampioni i Premierligës.

“Nuk është e vërtetë, Mario do të mbetet këtu”, deklaroi Mancini për Sky Sports News i pyetur rreth mundësisë së kalimit të Balotellit në Milan.

“Nuk kemi marr kërkesa për Marion ose ndonjë futbollistë tjetër”, u shpreh strategu italian.