Milano, 2 mars - Sulmuesi Mario Balotelli do t\'i mungojë Milanit në ndeshjen derbi të Serie A, kundër Lazios, njoftuan mediumet italiane të premten.

Milani sonte e pret Lazion në \"San Siro\" në ndeshjen e javës së 27 të Serie A.

Balotelli, 22-vjeçar, do të mungojë për shkak se në ndeshjen e fundit kampionale kundër Interit (1:1) lëndoi kërcen, pas përplasjes me portierin Samir Handanoviq.

Krahas Balotellit, Milani për këtë ndeshje nuk mund të llogarit as në Philippe Mexesin, Daniele Boneron, Kevin Constantin, Bojan Kërkiqin e Luca Antoninin. Rikthehen Mathieu Flamini e Robinho.

\"Balotelli do të jetë një mungesë shumë e madhe, por besoj se kësaj here mungesën e tij, do të mbulojë Stephan El Shaarawy\", tha trajneri milanez Massimiliano Allegri.