Londër, 26 korrik - Bale është i gatshëm që të qëndrojë në Tottenham pasi ka thënë se do t`i ndihmojë ekipit të tij për t`u kualifikuar në Champions League.

Real Madridi është shumë e interesuar për transferimin e uellsianit dhe janë të gatshëm që të ofrojnë më shumë se 80 milionë funte për ta sjellë atë në Spanjë.

Gjigantët spanjollë dëshirojnë të bëjnë bashkë dyshen Bale dhe Cristiano Ronaldo që të jenë sa më konkurrentë me Barcelonën, që në radhët e veta ka sjellë Neymarin.

Por Bale tani ka dhënë shenja se ai do të qëndrojë në White Hart Lane edhe këtë sezon derisa Spursat po përgatiten t`i ofrojnë 150 mijë funte në javë.

I pyetur nëse Spurs mund të arrijnë në Champions League, Bale ka thënë për revistën “Match of the Days, “Patjetër. Ne besojmë se mund të kualifikohemi për në Champions Leagues ndryshe nuk ka arsye që të qëndrojmë këtu”.

“Ne vetëm duhet të dalim në fushë dhe t`u tregojmë të gjithëve se mund ta arrijmë qëllimin tonë”, ka thënë uellsiani.