Torino, 5 janar - Përveç Juventusit, edhe Milani dhe Interi janë të interesuar për mbrojtësin e jashtëzakonshëm të Tottenhamit, Gareth Bale.

“Mund ta konfirmoj interesimin e Juventusit, por së fundmi po flasim për qershorin dhe jo janarin”, ka thënë agjenti i Bale, Peppino Tirri, për ilsussidiario.net.

Ai ka sqaruar se edhe Interi dhe Milani kanë shfaqur interesim për klientin tij, duke qenë se uellsiani ka shfaqur dëshirën për të luajtur në Itali në të ardhmen.

Tirri ka thënë se gjasat janë të mëdha që Bale të kalojë në Itali, por në afatin kalimtar të qershorit.