Londër, 5 gusht - Burimet e Skysports kanë bërë të ditur se anësori i Tottenhamit Gareth Bale është “i pakënaqur dhe i zhgënjyer” me komentet e menaxherit të londinezëve Andre Villas-Boas.

Real Madridi e ka bërë të qartë se janë të vendosur për të nënshkruar me uellsianin dhe tashmë kanë ofruar 85 milionë funte për të.

Sidoqofot, Villas-Boas pas miqësores me Monacon ka thënë se spekulimet për transferimin e Balet në Madrid janë të pavërteta.

“Ne kemi komunikuar me Real Madridin vetëm për t`ua bërë të qartë se lojtari është i yni dhe se ai nuk është në shitje”, ka thënë portugezi.

Bale ende nuk ka folur publikisht për spekulimet por gazetari i Skysports, Amy Lewis, ka thënë se burimet pranë Gareth Balet i kanë treguar atij se komentet e portugezit Villas-Boas e kanë zhgënjyer uellsianin.

“Veçanërisht kur ai ka thënë se Bale nuk është në shitje”, ka thënë ai