Madrid, 5 shkurt - David Villa është alternativa e parë e Atletico Madrid në rast se kolumbiani Radamel Falcao largohet në merkaton e verës.

Marrëdhëniet jo të mira të futbollistit me klubin katalanas për shkak të mosaktivizimit të kushtëzuar nga dëmtimet e shumta, bëjnë që sulmuesi i kombëtares spanjolle të mendojë për largimin por nuk ka ende një destinacion të qartë sepse aftësitë e tij vlerësohen shumë edhe në Angli.

Nga ana tjetër, shoqëria madrilene i premton një vend në formacionin titullar dhe trajneri Simeone i ka dhënë miratimin shoqërisë të ndjekë gjurmët e “El Guajes”.  

Villa konsideroheta nga drejtuesit e shoqërisë si një alternativë e arritshme sepse objektivat e tjerë, Dzeko e Suarez kushtojnë shumë dhe “colchoneros” nuk dëshirojnë t’i rëndojnë bilancet.

Sipas mediave spanjolle, Atletico Madrid do t’i nisë bisedimet me klubin katalanas në fundin e sezonit aktual.