Londër, 22 janar - Krerët e Arsenalit janë futur në garë për transferimin e mesfushorit të Real Madridit, kroatit Luka Modriq, shkroi "Marca" të dielën.

Modriq në ndeshjet e fundit ka humbur vendin e titullarit dhe skuadra madrilene është e gatshme ta largojë atë, ndonëse e transferoi para fillimit të këtij edicioni.

Arsenali synon fillimisht ta huazojë Modriqin gjatë këtij muaji me opsion për ta blerë kartonin e tij për 30 milionë euro dëmshpërblim në verë.

Modriq me Realin ka kontratë deri në vitin 2015, kurse situatën e tij te skuadra spanjolle po e monitorojnë edhe Chelsea, Manchester City e Manchester United.